صدمتى فى زوجى حكايات صافى هاني
أحمد بصوت مخنوق بالدموع:
”100 ألف جنيه إيه يا هناء في كام ساعة؟ أنا معاييش المبلغ ده كاش دلوقتي، ارحميني والورق ده ميتطلعش برة الدولاب، لو طردوني من شغلي مش هتعرفي تاخدي مني جنيه واحد!”
هناء بلهجة حاسمة كالسيف:
”اتصرف.. زي ما اتصرفت واتجوزت وعالجت نفسك، اتصرف عشان تنقذ اللي باقي من عمرك. وأعلى ما في خيلك اركبه.”
قفلت السكة في وشه، وعملت له “بلوك” مؤقت عشان تقفل قدامه أي فرصة للمماطلة.
المفاجأة المدوية
الساعة دقت 4 الفجر. الدكتور خرج من أوضة الكشف ووشه قلقان، قرب من هناء وقالها:
”يا مدام هناء، احنا عطينا للولد مسكنات قوية ووقفنا النزيف، بس الوضع مش طمن.. الإشاعة بتقول إن في تآكل غريب وسريع جداً في عظام الفك، وده مش تسوس طبيعي. لازم فحص جينات وتحاليل دم فورية لإن الشكوك كلها رايحة لمرض وراثي خطير، والتحاليل دي غالية جداً وبتتعمل في مراكز خاصة.”
هناء هزت راسها وثباتها زاد:
”عارفة يا دكتور.. وعارفة اسم المرض كمان. التحاليل هتتعمل الصبح، والعلاج هيبدأ الصبح.”
في اللحظة دي، تليفون هناء نور برقم غريب.. رقم مصري!
استغربت، وفتحت الخط. جاء صوته راجل غريب، صوته باين عليه الهيبة والجدية:
”أهلاً يا مدام هناء.. أنا المستشار عادل، محامي الأستاذ أحمد هنا في مصر. موكلي كلمني من نص ساعة وهو في حالة انهيار كامل، وطلب مني أتصرف فوراً.”
هناء سكتت وسمعت ببرود، فالمحامي كمل:
”الأستاذ أحمد بايعتلي توكيل رسمي عام، وطالب مني أحل الموضوع ودي فوراً. هو وافق على كل شروطك، وكمان بيعرض عليكي التنازل عن الشقة اللي أنتِ قاعدة فيها حالياً بشكل رسمي ونهائي بيع وشراء، مقابل إنك تسلميني أصول التقارير والورق اللي معاكي، والـ 100 ألف جنيه جاهزة معايا كاش وهسلمها لك بنفسي بعد ساعتين.. بس في شرط واحد هو طالبة!”
هناء ضيقت عينيها وقالت بقوة:
”وشرط إيه ده كمان؟”
المحامي سكت ثانية، وقال بنبرة غامضة قلبت كيان هناء تاني:
”الشرط إنه مش هيتحمل مليم واحد زيادة بعد كده في علاج العيال، وهيتم توقيع إقرار منك ببراعة ذمته من أي نفقة أو علاج مستقبلي.. لإن أحمد بايع كل اللي وراه وقدامه برة عشان يعالج نفسه، والورقة التانية اللي معاكي مقطوعة.. أحمد مش بس مريض يا مدام هناء، أحمد أيام عيشته في الدنيا بقت معدودة، والجوازة التانية دي كانت عشان الست دي غنية وهي اللي بتصرف على علاجه هناك بعد ما فلوسه خلصت!”
