مرات ابويا وابنها حكايات منال على
رامي انكمش في كرسيه وبقى مش عارف يودي وشه فين.
ومرات أبويا كانت بتبصلي وكأنها لأول مرة في حياتها تكتشف إن البنت اليتيمة دي وراها ضهر وعلم وسند مكنتش تعمل حسابه.
أنا فاكر عرضك للمشروع كويس جداً يا بنتي سيادة المستشار كمل كلامه بابتسامة فخر إنتي كنتي البنت الوحيدة اللي أخدت الدرجة النهائية في التقييم السنة دي وبإجماع اللجنة كلها، وأنا بنفسي اللي سلمت عليكي وهنيت والدك بنجاحك.
قلبي كان بيدق زي الطبل، بس ملامح وشه فضلت هادية وجبل ميهزهوش ريح.
طول السنين اللي فاتت، مرات أبويا وابنها كانوا مألفين رواية تانية خالص.. كانوا بيقولوا لأبويا قبل ما يموت وللناس إني خسرت المنحة دي لأني فاشلة ومستهترة.. إني ضيعت عمري بشتغل في محل صغير.. وإني مليش لازمة عشان أبويا يكتب كل حاجة باسم ابنها رامي.
اللي مكنوش يعرفوه.. إن المنحة اتقبلت فعلاً وجاتلي وبدأت بيها مشروعي برة مصر وجواها.
واللي عمرهم ما تخيلوه.. إني بنيت كياني وشغلي الخاص في صـمـت وتـمـنـيـت اليوم ده ييجي عشان أواجه كدبهم.
سيادة المستشار مرات أبويا وقفت فجأة وصوتها طالع مهزوز — إحنا مش هنا عشان نفتكر أيام الجامعة.. إحنا هنا بموجب إعلام الوراثة والشركة.. البنت دي سرقت مستندات تمليك وتنازلات تخص العيلة والشركة بعد وفاة جوزي.
كلمة “سرقت” نزلت زي الرصاصة في القاعة.
الناس بدأت تتوشوش تاني.
أنا فتحت الدوسيه الأسود بتاعي بكل برود:بقلم منــال عــلي
أنا مسرقتش مليم واحد.. بس النهاردة هثبت لحضرتك مين الحرامي والكداب الحقيقي اللي استغل مرض أبويا في أيامه الأخيرة وسرق حقي الشرعي وحق أمي الله يرحمها.
مرات أبويا وشها جاب ألوان واصفرت.
طلعت أول ورقة: الشهادة الأصلية للمنحة وبداية مشروعي المالي الناجح برة مصر. وبعدها كشف حساب معتمد ومصحح من البنك المركزي لحساباتي الشخصية اللي تثبت إني مش محتاجة لفلوسهم.. وفي النهاية، وبكل هدوء، حطيت قدام المستشار النسخة اللي هما قدموها للمحكمة.
ورقة “التنازل الرسمي” عن كل حقوقي الشرعية في ورث أبويا وفي الشركة اللي اتكتبت باسم رامي.
الإمضاء اللي في آخر الصفحة كان مكتوب عليها اسمي “ياسمين رضوان الشناوي”.بقلم منــال عــلي
بس الخط ده.. مكنش خطي ولا توقيعي أبداً.
المستشار مسك الورقة، قارنها بإمضائي الأصلي على الأوراق القديمة اللي معاه وتوقيعات والدي، ووشه اتقلب تماماً وبقى صارم وعينيه بتطق شرار.
