الجديدة

_ حاضر يا حاج

بابا قام و أخد جوزي معاه شوية الأوضة، و بعدين رجع،. وبعد ما روحنا ووافقت أرجع معاه لقيته بيقولي

_ أنا ماكنتش عايز كل دا يحصل

_ مش أنا إللي عملت كدا

_ عارف

_ بابا قالك أي!

_قالي بنتي أمانه في رقبتك، ولا أزعل أمي ولا اجي على مراتي، أنا …. كنت فاكر الموضوع بسيط وعادي و دا إللي بيحصل، لكن للأمانة أنا سألت ناس كتير، وقالوا لا دا مش الطبيعي، وإن دا هيعمل مشاكل بينا كتير، و هيأثر على حياتنا، عشان كدا عملت مشكلة معاهم، وقولت إنهم السبب إنك تمشي، عشان لما ترجعي ماحدش يفتح بوقه معاكي ولا يقولك اعملي ومتعمليش

_ كويس إنك عرفت

_ البيت وحش منغيرك

_عرفت قيمتي يعني مش هتوريني الوش التاني!؟

أبتسم و حس بإحراج

_ خلاص المسامح كريم بقا، كانت قوت عصبية!

_ صدقني لو وقت عصبيتك طلعت عليا بالشكل دا تاني، أنت إللي هتشوف وش تاني مني خالص

_ مريم!!

_ يا نعم

_ بلاش نكد بقا أنا عرفت غلطي و اعتذرت، و جبت امي نفسها تصالحك، بغض النظر إنها كانت هتبوظها أكتر، بس … أنا عملت كل دا عشانك

_ ماشي هسامحك المرة دي و هعديها، و هحاول .. هحاول أنسى إللي حصل، عشان أكيد مش عايزة اخرب بيتي، بس عشان أنت جيت و عرفت غلطك و اعترفت بيه

_ يعني صافي يا لبن

_ حليب يا قشطة

أنتِ إللي بتحددي حياتك هتمشي إزاي، بتحددي حدودك مع كل إللي حواليكِ، اعملي لنفسك كرامة من اول مرة وأول موقف، لكن لو عديتي هيتعدي عليكي

#