الجديدة

جوزي قام وقف بصدمة وهو بيقول

_ يعني أي يا حاج تاخدها؟ دي مراتي، و مش هتخرج من البيت

_ نعم! أي هتمنعني أخد بنتي ولا حاجة إن شاء الله، دا أنا اخدها من الجن الأزرق مش منك بس

_ يا حاج أنت كدا بتكبر الموضوع

_ لا هو كبير، و بنتي دي لو ماتشالتش على الراس و احترمتها يبقى أنت متلزمهاش، أنا مش عطيك حته من روحي تبهدلها

حماتي اتدخلت تاني و كأنها مش عارفة تسكت

_ هو في أي يا حاج، أنت بتهددنا، خدها أي يعني؟! دا أنا أخلي أبني يطلقها حالًا

بابا شاور ليا و قال بعصبية

_ يا سلام روحي يا مريم لمي هدومك و حاجتك حالًا

جوزي وقف مصدوم لما حس إن البيت هيتخرب، وإن الموضوع كبر

_ استنى بس يا حاج أهدى، الموضوع كبر، أهدي يا أمي طلاق أي!

مامته قالت بعصبيه كأنها ماصدقت تخرب البيت

_ آه تطلقها يا سلام دا أنا اجوزك ست ستها

بص ليها بصدمة كأنه استوعب فاجأة حقيقة الموضوع كله و سهولة الكلمة عند مامته

_ بتقولي أي يا أمي طلاق أي، أنا مستحيل أطلقها أي إللي بتقولي دا، أنتِ عايزة تخربي بيتي؟

_ أنا إللي بخرب بيتك ولا هي؟!

أنا اتدخلت وقولت فاجأة

_ أنا راحة مع بابا

دخلت أجمع هدومي وهو جه ورايا بيجري

_ مريم بتعملي أي!

_ راحة بيت أهلي، مش المشاكل عندكم و خراب البيت بسهولة طيب تمام

_ ايوا الموضوع موصلش للطلاق يا مريم، سيبي الهدوم و كلميني

زعقت فيه بعصبيه

_ هو أنا إللي قولت الطلاق ولا أنتم، هو أنا اللي عايز أمشي رأي امي الغلط ولا أنتم، هو أنا إللي ساكت و عامل نفسي من بنها ولا أنت، مش أنت إللي هدد.تني الأول، مش أنت إللي كبرت المشكلة، أنا واحدة عندي كرامة، و مش هقعد مع واحد بيمشي ورا كلام أمه لحد ما خربت بيته

مسك أيدي وقعدني على السرير

_ يا مريم ماكنتش متخيل الموضوع هيكبر كدا، و بعدين أنتِ كبرتيه لما موافقتيش تسمعي كلامي حتى و تعملي ليا قيمة و تنزلي

بعدت أيده من عليا وقمت أكمل جمع حاجتي

_ إللي بيطاطي مرة، بيطاطي كل مرة، و أنا مش هنفذ كلامك عشان أبقى مرمطون، و أصلًا ياريته كلامك

لما تعرف يكون ليك قرار من دماغك و تعرف تحافظ على الست إللي معاك و نحترمها و تعمل ليها قيمة، أبقى تعالي خدني من البيت إللي رباني و كبرني وعلمني الاحترام بيبقى إزاي، ولو معرفتش، ابقى ابعت ورقة الطلاق